—兔兔點評—果真不錯＊午市也有放題的大喜屋

最近又好想食多次大喜屋，之前去過銅鑼灣分店今次就喺返附近尖沙咀。

雖然尖沙咀冇凍海鮮系列，不過都有松葉蟹腳，選埋北海道鮮帶子，其他刺身今日就冇乜胃口唔係特別想食。

蟹腳有少少鹹香而且好鮮甜，仲有少少水係證明佢夠晒新鮮。北海道帶子亦都夠晒新鮮，調味十足唔使加豉油。

海膽手卷Size就比想像中大少少，不過都係比起出面食嘅日式餐廳細，只係比起一啲同類型放題大少少，不過變相海膽都係特別多。幾有鮮味，入口即溶，比起好多放題店都有過之而無不及。

瑤柱扒豆苗都幾大兜，豆苗好健康而且好嫩，仲有啲瑤柱同埋蟹肉，中間有件冬菇啲芡汁好濃郁好似食緊中菜晚餐。

豉椒汁炒蜆雖然唔似中菜咁有鑊氣，但係有紅椒同埋綠椒以及芝麻完全吊起鮮味，香味十足好似食緊豉椒炒河。

燒甜番薯
牛油翠玉瓜
燒溫室甜菠蘿
唔知點解以上全部得我食，我朋友唔識，最值得稱讚嘅其實三樣都真係幾唔錯，雖然只不過係手板眼見嘅食品，但係甜番薯真係剛剛好冇黑晒，翠玉瓜又整得夠香脆而且鎖住水份，菠蘿最正係連皮都無埋，方便食用又甜又好味，仲唔需要顧及儀態。

南瓜粟米豬骨湯都好多人叫，我都叫埋一份，不過如果順水粟米豬骨湯應該會好飲啲，南瓜配搭好似有點怪怪！

因為食得好飽都冇乜心機食甜品，有一張雪糕紙我哋就想選擇上面嘅點知咁啱玫瑰味道冇貨，所以就揀咗下面嘅忌廉曲奇，甜甜地又唔會太膩，曲奇味又濃郁，喺SOGO買緊好貴，建議食！

減肥專用解茶～

大喜屋日本料理　
地址 尖沙咀彌敦道74-78號文遜大厦5樓