最近見到間餐廳，去食車仔麵，
咁岩當日得我一個人，唯有叫個外賣返公司食。
花膠碗仔翅＄18一碗
雖然＄18一碗但係好足料，
分量唔算好多但係裏面有齊木耳，仿真翅，冬菇咩都有，鹹香十足。
講真係中環有啲咁嘅嘢真係幾抵食！
大碗雜錦面＄48咩都有
魚蛋、牛丸、墨魚丸、蘿蔔、魚皮餃、冬菇、牛腩、豬軟骨
仲要包埋飲品，我就選擇左凍奶茶。
另外選擇左米線，啲配料比想像中入味得多，
魚皮餃夠晒鹹香，冬菇同蘿蔔最重要就係入味，色香味俱全。
牛丸同埋墨魚丸都好彈牙。
不過米線份量唔算太多，如果男人嘅話未必食得飽。
叫埋＄12魚蛋，同啲同事分享下。
咖喱魚蛋，辣辣地好滋味呢！
最重要係店員態度唔錯，雖然我好麻煩叫咗幾樣野，搞到打包可能有啲麻煩，不過都係好快同埋好有服務態度咁樣幫我整，應該會成為遲啲嘅開飯熱點。
溢溢掂 香港味道
中環皇后大道中39號豐盛創建大廈地下8號舖 (由利源東街入)
沒有留言:
張貼留言