聽朋友講銅鑼灣有一間西餐廳好似有現場live Band，又真係幾吸引。
我哋就唔係特別好酒精類飲品，不過見人哋好多去到都係當西餐咁食，所以我哋都係求其飲啲嘢但就食埋晚飯慢慢坐。
California punch$59
裏面包含菠蘿汁、橙汁和紅莓汁，主要味道都係橙汁做主。味道清新，也有橙粒，雖然無酒精飲品好似好傻，勝在味道比平日的認真。
Strawberry surprise$59
這個賣相就更加靚，首先有士多啤梨沙冰，菠蘿汁以及奶。主打味道都係士多啤梨，好似仲有一粒粒的士多啤梨外核？菠蘿味比較清新不過淡口味，仲有少少奶所以飲完都唔會好肚餓。
香煎鵝肝多士配無花果醬＄138
估唔到＄138有三件鵝肝多士，聽餐廳朋友講鵝肝來貨價都好貴，呢個價錢分分鐘賺超級少！ 另外表面有一啲新鮮無花果，多士香脆又唔會太硬，鵝肝就比較肥美中間亦都比較稔。上面仲有塊好似台灣嘅豬肉紙，肉類脆片，鹹脆配搭一流。
56度低溫慢煮烤香橙黑醋西班牙黑毛豬肋骨＄98
感覺上有啲似中式嘅糖醋骨，不過最特別嘅就係因為佢用上香橙黑醋，味道酸酸地又有似梅，雖然肉唔算多但係夠晒開胃醒神。下面就有幾塊菠蘿，酸酸甜甜咁。
北海道鮮帶子煙肉蘆筍蒜片鮑魚汁扁意粉＄138
呢個有少少似中式家常便飯嘅味道，可能係因為鮑魚汁。北海道帶子數量都唔少，有十足鮮味。煙肉+蘆薈就更加清新啦！
紐約芝士蛋糕＄58
細細件，但芝士味香，有心機，是一個不錯的甜品。
M1 Bar & Restaurant
銅鑼灣告士打道229-230號宇宙商業大廈地舖
沒有留言:
張貼留言