想搵個地方食嘢傾吓計，旺角樓上咖啡室都算多，
第三站應該很多人都聽過，
而家搬咗去金雞廣場雖然唔係大街但地點亦非常便利。
一層有多個單位，可以搵返啱嘅單位先好入，
隔離都有間類似餐廳但係唔知咩嚟。
呢度門口有牌，好容易就知道係。
menu~
戴安娜（紫玫瑰花，紅玫瑰花，洋甘菊，薰衣草）$52 +18
呢度嘅花茶味道比較清新和淡口味，
但係每一種花分量亦充足，加上沒有加糖，口味天然獨特。
Mocha凍+8
表面有一些忌廉，聽說味道亦不錯，朱古力味香。
其中一個餐加了＄30轉套餐，包含了一個沙律和甜品蛋糕。
沙律味道清新，有多款不同的雜菜，每一款都好爽口。
講到最令人驚喜的，一定是主菜食品
蒜香火腿絲燴長通粉＄88
原來除了火腿之外亦有好多雜豆，如果不需要的話請先揚聲。
長通粉給人的感覺是好容易就會整得好硬或者好稔，
但整得啱啱好而且蒜蓉香味十足，火腿分量亦足以做餸。
煙三文魚野菌忌廉燴意粉＄112
煙三文魚鹹香十足，而且野菌的味道調配亦剛好，
菇菌分量充足極具彈性，意粉分量充足又有水份，
飽肚之餘又不會沉悶。
蜜糖雞翼拼薯條$50
蜜糖雞翼雖然不算太大隻，不過表面的蜜糖已非常引人食慾。
令人連皮都食埋，加＄10拼的薯條原來是另上，
分量十足，大大條有咸香又有口感。
甜品就選擇了法國朱古力，這個蛋糕裏面原來有類似沙冰的物體，
有濃郁的朱古力也有淡口味的朱古力，
表面更有一些朱古力醬，甜味剛好非常吸引。
第三站
旺角洗衣街39號金雞廣場25樓08-09室
沒有留言:
張貼留言