同Yan小姐預約星期五食飯，今晚我又係工廠區附近做Facial，
所以都要揀返呢個地方，又近佢屋企。
雖然工業大廈唔算偏僻，不過始終呢種大廈感覺都比較難接觸同埋上去。
藜麥，蘋果，紅菜頭，松子仁，沙律配香草油醋汁$78
沙律配搭都算幾特別，唔係好多人都食紅菜頭。
不過咁岩朋友同我都有食所以先敢揀始終有少少草青味。
藜麥細細粒，冇咩特別味道不過就勝在清新，
再加埋染哂紅菜頭紅色嘅蘋果，仲有帶點鹹香的松子仁味道其實不錯。
類似高級西餐所吃的食品。
牛肝菌，野菌，黑松露，手製全蛋闊條麵$165
雖然在分量方面有所輸蝕，不過好多人話「重質不重量」，
有啲肉赤依然食得開心。
因為闊條麵處理非常困難，不能太乾太硬或者太濕潤。
但係味道同埋厚薄恰到好處，再加上黑松露香氣四溢，
野菌牛肝菌亦非常清香，沒有任何一處是特別乾或者沒有味道。
中間的溫泉蛋可以直接食用或者攪拌，味道比較清。
蘋果醋汁，甜甜地好清新呀=]！
雖然地點在工廈，不過能夠食到高質素的西餐廳食品，
餐廳裏面亦非常熱鬧，坐吧枱同樣舒適。
Mela Italian & Spanish Cuisine
觀塘駿業街66號巧運工業大廈11樓C室
沒有留言:
張貼留言