—兔兔點評—荃灣的西餐地

​

荃灣竟然有好高級嘅西餐廳，真係估佢唔到。

裏面嘅裝修仲要係幾浪漫，感覺唔錯，

由於我和朋友的Budget唔多所以都係食部份推薦食品。

餐牌非常多元化，不過圖片就多過文字。

自家製麵包，暖暖的。

蘭杜豆忌廉湯

蘭杜豆忌廉湯原來是一種西方的豆，裏面已經整到碎晒，

仲有一啲蘿蔔粒粒，口感亦豐富，忌廉湯用料不錯，

外觀已夠吸引，加上味道咸淡適中，是為特色之作。

焗厚切香草蒜蓉包四件＄42

蒜蓉包本身口感夠香脆，而且厚切更有口感，

 表面有啲香草更加令未到提升。

最好就可以點上藍青口嘅白酒忌廉汁味道更豐富。

白酒忌廉汁煮法國藍青口＄148

藍青口主要係用咗BB青口，所以肉質特別鮮嫩，

Size都算正常裏面冇任何雜草之類嘅食品，

最重要係每一粒都唔會好腥，而且口感彈牙又清新，金屬味道不濃。

白酒忌廉汁比較清淡，質感亦比較似湯，用湯匙飲落亦係清清地。

黑松露菌薄餅＄168

之前都係一間意大利餐廳食個黑松露薄餅，

個感覺比較相似，不過餅底偏厚身，黑松露味尚算突出。

口感比較香脆，沒有其他特別的調味醬汁，

對於很多餐廳都冇類似嘅食品亦比較特別。

飲品方面就選擇咗特色飲品，包括有蘋果士多啤梨香蕉（凍）同埋檸檬薑（熱）。

前者就冇咩蘋果味，反而香蕉味比較濃郁，都有少少士多啤梨味嘅。

甜味都算好充足。

檸檬薑嗰個就好濃嘅薑味，反而其他味道唔夠突出。其他分別要加＄18

Vision 8

荃灣兆和街34號榮安樓地舖

—兔兔點評—超好吃工廈意大利菜

​

同Yan小姐預約星期五食飯，今晚我又係工廠區附近做Facial，

所以都要揀返呢個地方，又近佢屋企。

雖然工業大廈唔算偏僻，不過始終呢種大廈感覺都比較難接觸同埋上去。

藜麥，蘋果，紅菜頭，松子仁，沙律配香草油醋汁$78

沙律配搭都算幾特別，唔係好多人都食紅菜頭。

不過咁岩朋友同我都有食所以先敢揀始終有少少草青味。

藜麥細細粒，冇咩特別味道不過就勝在清新，

再加埋染哂紅菜頭紅色嘅蘋果，仲有帶點鹹香的松子仁味道其實不錯。

類似高級西餐所吃的食品。

牛肝菌，野菌，黑松露，手製全蛋闊條麵$165

雖然在分量方面有所輸蝕，不過好多人話「重質不重量」，

有啲肉赤依然食得開心。

因為闊條麵處理非常困難，不能太乾太硬或者太濕潤。

但係味道同埋厚薄恰到好處，再加上黑松露香氣四溢，

野菌牛肝菌亦非常清香，沒有任何一處是特別乾或者沒有味道。

中間的溫泉蛋可以直接食用或者攪拌，味道比較清。

蘋果醋汁，甜甜地好清新呀=]！

雖然地點在工廈，不過能夠食到高質素的西餐廳食品，

餐廳裏面亦非常熱鬧，坐吧枱同樣舒適。

Mela Italian & Spanish Cuisine 

觀塘駿業街66號巧運工業大廈11樓C室

—兔兔點評—Running Man慢慢熱潮減退之後，韓國熱潮還能多久？

自從Running Man慢慢熱潮減退之後，香港嘅韓式餐廳亦都買少見少。

同朋友去朝拜韓國嘢食，餐廳裏面都幾多人，

可能因為係星期日，來嘅通常都係一家大細或者朋友聚會。

黑松露奶奶雞＄198小辣

上到來的時候黑松露香味十足，分量是半隻雞。

本來隻雞本身都有經過調味，所以味道都有咸香，

但如果講黑松露醬汁的話就比較似分開的味道，

把黑松露醬汁放在每一件雞上面吃極具風味。

而且黑松露醬汁可以點上煙韌版粉絲，

除了有彈性之外亦有甜味鹹味，吸引而且又飽肚。

除了以上兩款食物之外，亦有紅蘿蔔和青瓜，也幾入味的。

見到餐牌上亦有類似食雞煲然後就火鍋的選擇，果然韓國菜也敵不過fusion。

辛安東元祖奶奶雞 

旺角白布街20號地下

—兔兔點評—浪漫小西餐

​

同媽咪去食飯揀咗一間位於銅鑼灣一間樓上西餐廳，燈光都幾浪漫。

蒜蓉包勝在夠香脆，蒜蓉味亦非常濃郁。

辣鮮蜆扁意粉特別美味，大約是小辣的味道，蜆肉是新鮮蜆肉，

外殼比較厚身，而且份量也非常多。

白酒加上辣味非常不錯。扁意粉口感比較硬身，適合西餐。

蕃茄肉醬意粉亦非常不錯，肉醬的份量特別多，意粉也可以。

整體比較濕潤，而且香氣十足，甜酸甜酸亦非常開胃．

Tiramisu很明顯是自家製，雖然價錢比平日吃的貴，

不過質素也有保證，整個甜品非常香滑。

環境不錯，推介男女朋友聚會。

Basilico

銅鑼灣登龍街28號永光中心9樓