一直都好想食燒肉。男朋友帶我去九龍城，仲以為食泰國菜，去到門口先知係食日式燒肉，真係幾感動！
入到去見到全部卡位裝潢簡約帶日本風情，成件事好似係日本咁。見到好多人叫燒肉，好香！餐牌有幾款燒肉套餐簡！最後簡左$388牛石精選盛合，店員擺左個timer同3款唔同醬汁，好貼心啊～等10分鐘就可以係麥飯石板上面開始燒，再講解我地知食用先後次序，好似係日本咁。
上台擺設又靚，顯得d牛肉好矜貴。本身牛肉脂肪分佈平均，啖啖肥美肉汁又嫩滑好食。最有驚喜係牛舌，爽口得黎勁濃牛肉味好似同隻牛打茄輪咁，真係不得了！咁當然佐賀牛既質素同牛味都有有保證同有層次，真係唔錯。
之前仲有牛油焗帶子，焗得香口帶子幾大粒厚實好新鮮。雖然得4粒有d唔夠喉XD⋯因為我哋都超鍾意食帶子。
之後就上埋蟹肉蒸蛋，好期待食到滑溜既蒸蛋，果然無令我地失望，啖啖鮮甜蟹肉同蛋仲要夠熱！
今晚食到餐超乎預期既日式燒肉，真係幾滿足～下次黎九龍城終於唔止泰國菜咁簡單。
地址
九龍城福佬村道51號地下
沒有留言:
張貼留言