突然心思思想食泰國野，朋友就介紹左一間係元朗嘅小店，睇落似酒吧。
入到去見到有傳統泰國嘅裝飾係牆上，仲有一個吧檯同酒架，店入面播住音樂，好有feel。
餐牌有套餐 頭盤 沙律 湯 蔬菜 咖哩等等。待應落單會同你介紹有咩特色野食，又唔會硬sell 。
儲夠印花可以換心水野食，有得食又有得送。
菠蘿特飲$30
睇落似梳打，飲落小小酸同有酒味，加入啫哩口感豐富。
冬蔭公湯 S size $88
用細細個煲上檯的確吸睛，一上菜聞到好香香茅味，
好足料有蝦 菇類 蕃薯仔 芫荽等等，
入口微辣少酸，蝦肉吸曬湯嘅味道。
特色菠蘿炒飯$98
飯上面鋪滿肉鬆同腰果，
飯連蝦 菠蘿 魷魚筒圈一齊炒到金黃色，
食到有淡淡魚露味，魷魚新鮮彈牙，
蝦肉都爽口。
沙嗲串燒$88
一杯有6串造型奇特，沙嗲醬有好濃花生味，口感較油。
豬肉串燒:豚肉味重，厚切略厭難咬開。
牛肉串燒:唔係燒到全熟，似食緊牛扒，加上切得厚，口感豐富，配埋沙嗲醬好惹味。
雞肉串燒:雞肉有小小椰奶味，點沙嗲醬會無咁乾身又減小油膩感。
兩個人食咁幾樣野夠飽有凸，
$300左右埋單非常合理。
夜晚附近會有人係前面公園仔放狗，
愛狗人士可以帶埋愛犬一齊黎。
薄荷葉泰國菜
元朗安康路怡康大廈地下12-13號鋪
沒有留言:
張貼留言