2018年7月11日 星期三

—兔兔點評—龍門冰室



近排屯門有間新開張嘅龍門冰室,經過便同朋友去試一下,離遠已見到有好多人排隊,相信質素有番咁上下,值得期待,我們站在門口等左一陣,已聞到好香嘅味道,好吸引。

估唔到下午茶的非繁忙時間,這裡仍座無虛席,真是相當受歡迎。



冰室整體佈置簡單、整潔、乾淨,坐得舒服。餐牌款式包羅萬有,款式多多,有多款套餐配搭選項、又有甜品、小食、特飲等等。

我叫咗菠蘿冰,波蘿多汁鮮甜,朋友就叫咗紅豆冰。
主菜揀咗個秘製咖哩厚切吉列豬柳飯,估唔到塊豬扒好巨型,真係好厚,咬落外面脆,裡面多汁,配上特別調製的咖哩汁好惹味,有水準。


小食有椒鹽雞翼,醃得好入味,外皮鬆脆有口感,愛好濃味的朋友一定會喜歡。另一款小食,黑松露芝士焗雜菌西蘭花也是高水準貨色,我覺得可以媲美大酒樓嘅小菜級數,黑松露配芝士味道極之合拍,西蘭花不會太淋,又不會太硬,軟硬適中夠爽口,整個配搭一流,值得推介。


最後朋友話來到冰室,當然要試一下傳統嘅西多士,這個也合格滿分,麵包鬆軟,牛油夠多,非常滿足。



龍門冰室 
屯門良德街12號海麗花園地下6號舖

沒有留言:

張貼留言