—兔兔點評—傳統港式食物xCocktail專門店

環境方面:

如果想係比較舒服嘅地方食港式美食，又有Cocktail飲嘅話，黎呢度就冇錯喇！

餐廳主打港式傳統食物，而且有露天嘅地方比客人慢慢品嘗，一邊品嘗美食一邊喺輕快嘅western music之下互相傾計，完全可以將成個人放鬆，好舒服。如果唔太鍾意係室外地方享用，餐廳都有室內地方，設有好多港式裝飾，招牌嘅霓虹燈、拉制開關嘅綠色枱燈，再加上微微暗嘅燈光，將老香港融入係現代入面。

食物:

媚婦餐肉蛋三文治: ($88)

我會將佢形容為餐蛋治嘅進階版，最鐘意就係上面烘到恰到好處嘅嘉頓餐包，望住呢四個微微脹起嘅包有種好開心嘅感覺，又暖暖地仲要外層脆卜卜，咬落去好鬆軟。再配上半熟蛋同餐肉做主要食材，加上千島醬同洋蔥增加味道嘅層次，食落去有洋蔥嘅甜辣，更如開胃。

四川擔擔麵: ($58)

幼麵嘅份量頗多，仲有肉碎點綴。而且湯底夠辣之餘，都食到蔥嘅味道。

卡邦尼意粉: ($88)

雖然份量唔多，但已經好足夠，食落去一啲都唔膩同埋感覺幾清新，喺上面仲有一個流心蛋同芝士粉，蛋漿沾滿意粉食落去更加好味。

雙重滋味雞蛋仔: ($78)

雞蛋仔好脆身，味道較淡，所以上面加左朱古力醬、蜜糖，而且上面有一球雲尼拿雪糕，點咗醬同埋雪糕好似食緊waffle咁。仲加左啲煙肉粒，食落去咸咸甜甜咁，好特別，將傳統嘅雞蛋仔加入餐廳特色。

辦館 

銅鑼灣謝斐道535號 Tower 535 3樓302號舖

—兔兔點評—新開嘅「御八幡屋」自己DIY燒海鮮

是日與韓國朋友去食放題，兆萬中心放題選擇多多，最後選擇左一間新開嘅「御八幡屋」。位於兆萬中心嘅3樓，搭電梯上去就會到。

我哋係八點入座係最貴嘅時段，閒日＄198再加一，店員推介可以加＄50升級，我哋每人都加左＄50。

另有燒海鮮系列，可以自己燒海鮮，有部份就免費任點，有部分就另外加錢。

燒海鮮方面我哋咩都叫咗啲，叫左冇另外加錢既選擇。燒菠蘿，燒番薯，燒金菇，蜆，青口，海蝦。全部自己燒，不過真係睇個人手勢啦，我就燒得麻麻地！品質來講算係唔錯，蔬菜裏間間放題都差唔多，但係海蝦就好新鮮，蜆肉個汁的味道唔錯。

加左＄50當然要嘗試一下升級餐牌上的食品。帶子同埋赤蝦味道鮮甜，特別係帶子口感有彈性，表面光滑夠新鮮。赤蝦就超級爽口，而且甜味十足，如果出去散點壽司店食真係唔知要幾錢呀！

炸蟹仔都係星級餐牌裏面嘅食物，我朋友問我係唔係可以成隻食？咁細隻蟹仔當然可以！旁邊有小小辣椒，加上調味令到整體香氣十足，而且口感爽脆。

蒸蛋等左一陣先來，最緊要嘅係時間啱啱好，雖然老人家話蒸蛋好容易，但係如果我自己整就好難控制時間⋯⋯依度嘅口感夠滑之餘味道清新！

升級嘅生蠔，調味剛剛好，而且口感好滑，沒有沙，值得Encore。

唔知點解韓國人好似特別鍾意食壽司，我哋就瘋狂叫刺身同埋壽司！

刺身叫得唔多，三文魚、吞拿魚、希靈魚、甜蝦，全部都好新鮮，味道唔錯，特別係甜蝦夠晒甜，所以再encore！

蟹籽魷魚壽司都幾得意，爽口彈牙又清新，其他壽司也是不錯的質素。好多都係韓妹食，真係好大食。仲係度話>맛있어요< 即係好味的意思！

飲品櫃除咗有普通飲品之外，有Hite同埋青島啤酒呢！仲有清酒！

食左太多壽司，已經冇胃口食甜品了⋯雪條同甜品唯有下次留肚食啦。

御．八幡屋日本料理 

旺角西洋菜街1號兆萬中心3樓301號舖

—兔兔點評—吃我吧！EatMeBar！

朋友講起附近有一個廣場新起無耐，上面有幾間新嘅食店，一齊去「探險」。

食客數量非常多，幸好我們人數少，不用等太久。真的建議訂枱！（特別是星期五六）

白酒炒藍青口＄68

賣相不算好好，不過數量非常豐富，至少有20粒以上。

白酒味幾清香，藍青口有啲大粒有啲細粒，不過都有鮮味！

慢烤大啡菇配煙肉芝士汁＄58

想不到有兩件，一直都以為＄58是一件的價錢，

唔知係唔係餐牌啲字比較大粒，俾人感覺好抵食。

表面嘅煙肉芝士汁份量豐富，芝士雖然未算好香但是味道濃郁，菇亦非常鮮呢！

火焰骰仔牛柳$58

最有型是店員倒上一些酒精然後變成火焰的樣子，

原來吃起來味道似漢堡包中間的漢堡牛扒，鹹香十足而且香味豐富。

燒烤風味西班牙黑毛豬背肋$108

原來包了薯條，厚切非常大條，口感不錯外脆內軟！

黑毛豬背肋肉不多，但是味道夠入，

仲有旁邊除了青瓜之外，有芥蘭苗和菠菜，好少見的配搭。

主菜加＄18 = 是日餐湯和沙律 

餐湯是紫薯忌廉湯，口味獨特。

沙律方面表面有煙三文魚，不算很大但以夠食。

加＄10 = 芝士焗生蠔兩隻

芝士焗蠔香味十足，估唔到＄10有兩隻，非常抵食大大隻。

香草杏仁咖啡＄42

凍焦糖咖啡＄42

波波形狀的飲品，味道香濃，杏仁味比咖啡重。

雖然價錢未算低，不過賣相已值回票價。

EAT ME Bar & Restaurant
地址 旺角彌敦道560號譽發廣場5樓全層

—兔兔點評—​冬蔭公湯 | ​菠蘿特飲 | ​特色菠蘿炒飯

​

突然心思思想食泰國野，朋友就介紹左一間係元朗嘅小店，睇落似酒吧。

入到去見到有傳統泰國嘅裝飾係牆上，仲有一個吧檯同酒架，店入面播住音樂，好有feel。

餐牌有套餐 頭盤 沙律 湯 蔬菜 咖哩等等。待應落單會同你介紹有咩特色野食，又唔會硬sell 。

仲提我後面有新出嘅電子印花Apps，第一次可以儲5個，

儲夠印花可以換心水野食，有得食又有得送。

菠蘿特飲$30

睇落似梳打，飲落小小酸同有酒味，加入啫哩口感豐富。

冬蔭公湯 S size $88

用細細個煲上檯的確吸睛，一上菜聞到好香香茅味，

好足料有蝦 菇類 蕃薯仔 芫荽等等，

入口微辣少酸，蝦肉吸曬湯嘅味道。

特色菠蘿炒飯$98

飯上面鋪滿肉鬆同腰果，

飯連蝦 菠蘿 魷魚筒圈一齊炒到金黃色，

食到有淡淡魚露味，魷魚新鮮彈牙，

蝦肉都爽口。

沙嗲串燒$88

一杯有6串造型奇特，沙嗲醬有好濃花生味，口感較油。

豬肉串燒:豚肉味重，厚切略厭難咬開。

牛肉串燒:唔係燒到全熟，似食緊牛扒，加上切得厚，口感豐富，配埋沙嗲醬好惹味。

雞肉串燒:雞肉有小小椰奶味，點沙嗲醬會無咁乾身又減小油膩感。

兩個人食咁幾樣野夠飽有凸，

$300左右埋單非常合理。

夜晚附近會有人係前面公園仔放狗，

愛狗人士可以帶埋愛犬一齊黎。

薄荷葉泰國菜

元朗安康路怡康大廈地下12-13號鋪