—兔兔點評—​ 米之蓮的不二西餐之選

 ​ 一間入選左米之蓮嘅餐廳，就算唔好食都一定有個譜，所以就成為幾點入閘生日飯的不二之選。 好驚冇位，提早兩個星期已經book定左，雖然定價高，但係入面客人數量亦很多，大部份估計都應該有訂枱。環境唔錯，裝修格局都好高級，有高有矮枱凳但係冇一款係會令人討厭，我哋就俾人安排左坐高台，有搭腳位坐得舒服。

 自己唔想諗，就交由同行者發板，所有餐牌都係英文如果唔識某部分英文嘅話可以要求店員翻譯或者自己查字典。 

我地咁多個人最後叫咗兩個餐，幾份前菜都有齊，飲品果汁選了芒果汁，原來真係鮮榨（唔係果汁先生或者玻璃樽），又甜又好飲！

香草麵包份量算大，真不錯。

24個月巴馬火腿+蟹肉餅令人印象都幾深刻！巴馬火腿輕微鹹香加上哈密瓜不二之選，味道相得益彰；蟹肉餅除咗每一口都係蟹肉之外，沙律嘅調味亦豐富，新鮮得來唔會太膩。

一般西餐店都會選擇黑松露蘑菇湯，所以選擇松露蘑菇湯一啲都唔覺得出奇，套餐裏面已經定左。 整體質感柔軟之外每一口都有磨菇粒咬同埋松露粒溶解，香氣迫人，吃得多又不會膩。

炭燒美國牛肉眼12oz叫左之後先發現唔記得講幾多成熟，好彩自動變成五至六成熟，燒得香口而且筋不算多，每一口鬆軟之外近乎入口即溶，旁邊更有脆薯仔及蒜，殺菌之餘口味豐富。

呀細嚷著要食龍蝦，雖然加錢但還是揀咗龍蝦意大利飯+$128，啲米粒真心唔錯，每一粒有大有緣仲要好有龍蝦味，估計用龍蝦殼肴成嘅醬汁，仲有龍蝦爽口又彈牙，真係好高級嘅享受。

甜品方面有甜品拼盤，款式好多，最好味嘅係中間牛奶果凍，又有少少芒果味，除咗豐富之外仲好清新；芝士味嗰個忌廉半圓都唔錯，入口即溶化。 如果遇上一些特別日子，絕對可以book枱來吃，感覺幾好的！

Penthouse 

銅鑼灣登龍街1-29號金朝陽中心2期Midtown30樓