岩岩去完旅行返黎，就約朋友出黎食野順便派手信。
同朋友咁耐冇見，就打算去cafe坐下，貪可以坐得耐，傾下計咁~
朋友話之後食過呢間cafe，覺得唔錯，就帶我黎試下啦。
門口幾得意，有一個色彩繽紛既轉盤 ，仲有好多客人既相貼係門口，感覺幾開心
食物款式都幾多，而且價錢幾親民
叫左set lunch，包餐湯，今日既餐湯係粟米湯，食落好creamy，好濃粟米味，仲食到粒粒粟米，幾有口感
炭燒豬頸肉，豬頸肉好爽口，而幾香炭燒味，點埋個酸辣汁，好開胃
To-gather小食拼盤，份量超多，個人最中意個蜜糖雞翼，好重蜜糖味，而且雞翼外皮脆，肉質嫩。
雞肉串都唔錯，照燒汁好惹味。其他小食都炸得好香脆，唔會有油膩感
香茅豬扒冬蔭功湯麵，未食已經聞到好大陣冬蔭功味，湯底好濃郁，都幾辣下。
至於個香茅豬扒，肉質好腍，香茅味幾出，幾好食
馬來咖哩魚柳配印度薄餅，咖哩味好香濃，
不過唔會蓋過魚柳既味道，魚柳肉質好滑。
印度薄餅好酥脆攰，點上咖哩汁好有風味
朋友就叫左杯oreo沙冰，好足料，好多oreo，唔會太甜
而我就叫左好芒果乳酪沙冰， 芒果同乳酪既比例啱啱好，飲落幾fresh
整體黎講，食物質素唔錯，環境好舒適，適合同朋友聚會。
To-Gather Cafe
地址 旺角洗衣街39-55號金雞廣場19樓15-17室
沒有留言:
張貼留言