最近有個朋友想食雞煲 ，平時成日食開麻辣雞煲既我 ，
想試d新野 就係傳說中既粥底火鍋 。地點位於沙田圍站 ，行過去只需要5分鐘 非常方便。
離到緊係試下佢個招牌粥底蟹海鮮鍋 ，總共有9樣海鮮可以簡我地，
叫左鮑魚， 蜆 ，聖子 ，帆立貝， 多寶魚 ，同埋鮮蝦。
因為近排天氣真係好熱 ，夜晚都成30度 ，我地2個即刻點左個沙冰梳打爽一爽先 。
我地一個簡青蘋果薄荷檸檬味 ，一個簡藍柑檸檬果味 ，成杯都係冰再加上青蘋果梳打加埋， 成杯淺綠色好靚 ，女生一定會鐘意 。加上果種冰涼感入口 即刻幫我降一降溫 。
間鋪既經理好好人 ，提我地只要有加佢地個Facebook page 佢地就會送一份泰式甜蝦 ，真係好冰凍鮮甜 ，去食記得like facebook page呀。
食法好簡單 ，首先將隻蟹放入去煲熟佢先， 跟住佢就會比埋我地叫左既海鮮 。溫馨提示， 我地一樣一樣食因為海鮮好快就會熟， 同埋千奇唔好加太多水， 會沖淡左個海鮮味,隻蟹仲大過我塊面， 真係唔講得笑。
相對小骨既多寶魚好適合所有人食 ，而且海底全部都係海鮮， 保留左佢新鮮既味道。
食曬海鮮之後 ，佢地就會幫個海鮮煲加粥底三寶， 加埋南瓜 ，苧頭 栗米 。之後就可以繼續食其他自選既餸， 自選餸可以簡幾款 溫馨提示: 食完先知原來可以集中簡一兩樣餸 ，份量相對大d 如果多人都可以簡多幾款 ，份量就細dd 鋪頭幾細心值得一讚。
自選既餸我地試左佢地個牛肉 豬肉 響鈴 。
新鮮炸既響鈴真係可遇不可求 未食已經好香 ，浸一浸個海鮮湯再咬入去半脆狀態果種口感 ，同平時打便爐食開有好大分別 。
食曬所有餸之後 ，今日既重點出場 就係海鮮粥 ，加左飯落去煲一陣 ，加埋配料豬油渣粒同菜甫粒落個湯底 ，等多幾分鐘 ，充滿住今日所有海鮮同既味全部入曬去煲粥到 。
我地仲可以一人食到2碗 ，好滿足呀真係。
今次第一次食粥底火鍋真係留左個好深刻既印象 ，而且員工好細心好nice 絕對要再試!
漁民火鍋雞煲專門店
沒有留言:
張貼留言