一入到去覺得啲staff好友善，唔會好似其他放題餐廳咁衝衝忙忙，想你快啲走咁。去食放題魚生最怕啲地方污糟，呢間環境衛生程度幾好。
對於我黎講，魚生刺身既質素絕對係決定翻唔翻兜嘅重要指標。三文魚值得一叫再叫，佢每次唔會俾好多你，所以每次交紙時都好想師傅俾多幾件你，都幾新鮮。另外我幾鐘意佢蝦嘅種類，唔洗成日只食甜蝦。
之後嚟嘅係訂座就送既海膽/生蠔/movenpick雪糕，我揀咗海膽，送嘅嘢嚟講還可以，但下次會想試movenpick多啲。
平時啲放題嘅壽司食兩舊就算，呢個火焰沙律醬三文魚壽司唔錯，叫第二輪值得再寫多幾件
其他卷物都ok，細細舊，唔會好似整定擺咗好耐。
蟹蓋卡邦尼都幾得意，唔會太濟，開頭估咗陣先知係，哈哈
燒蠔，隻蠔唔會食到沙，不過啲沙律醬可以少番啲。
呢個雞軟骨很好，我鍾意。脆卜卜又炸得香，我一個人已經清咗一小碟，好惹味。
呢個漢堡扒無喺其他放題見過，幾新穎，啲芝士好多，又幾好食喎
另一個放題未見過嘅炸物，牛奶卷，熱辣辣加埋啲練奶好味，比我想像中好食
放題必食紫薯波波，另外有榴連球，唔食嘅我聽朋友講話唔錯，而個球唔會散岀啲好強烈嘅味，唔怕我個friend食多幾粒
羊架煎得香，啖啖肉，又係翻兜必叫
甜品，中間白色嘅波子汽水味值得一推，同埋左上嘅咖啡味，幾新奇有趣，唔伏！
其實呢間放題啲魚生刺身做得幾好，真係值得再去，不過下次俾多啲三文魚我啦，真係未夠喉！XD
極上帝王水產
旺角西洋菜街1號兆萬中心9樓
沒有留言:
張貼留言