—兔兔點評—乾淨放題店 極上帝王水產

喺旺角無幾多間性價比高，又可以翻兜嘅放題。上星期同個friend決定勇闖兆萬，呢間都不錯
 一入到去覺得啲staff好友善，唔會好似其他放題餐廳咁衝衝忙忙，想你快啲走咁。去食放題魚生最怕啲地方污糟，呢間環境衛生程度幾好。

對於我黎講，魚生刺身既質素絕對係決定翻唔翻兜嘅重要指標。三文魚值得一叫再叫，佢每次唔會俾好多你，所以每次交紙時都好想師傅俾多幾件你，都幾新鮮。另外我幾鐘意佢蝦嘅種類，唔洗成日只食甜蝦。

之後嚟嘅係訂座就送既海膽/生蠔/movenpick雪糕，我揀咗海膽，送嘅嘢嚟講還可以，但下次會想試movenpick多啲。

平時啲放題嘅壽司食兩舊就算，呢個火焰沙律醬三文魚壽司唔錯，叫第二輪值得再寫多幾件

其他卷物都ok，細細舊，唔會好似整定擺咗好耐。

蟹蓋卡邦尼都幾得意，唔會太濟，開頭估咗陣先知係，哈哈

燒蠔，隻蠔唔會食到沙，不過啲沙律醬可以少番啲。

呢個雞軟骨很好，我鍾意。脆卜卜又炸得香，我一個人已經清咗一小碟，好惹味。

呢個漢堡扒無喺其他放題見過，幾新穎，啲芝士好多，又幾好食喎

另一個放題未見過嘅炸物，牛奶卷，熱辣辣加埋啲練奶好味，比我想像中好食

放題必食紫薯波波，另外有榴連球，唔食嘅我聽朋友講話唔錯，而個球唔會散岀啲好強烈嘅味，唔怕我個friend食多幾粒

羊架煎得香，啖啖肉，又係翻兜必叫

甜品，中間白色嘅波子汽水味值得一推，同埋左上嘅咖啡味，幾新奇有趣，唔伏！

其實呢間放題啲魚生刺身做得幾好，真係值得再去，不過下次俾多啲三文魚我啦，真係未夠喉！XD

極上帝王水產 

旺角西洋菜街1號兆萬中心9樓

—兔兔點評—​ 桂花小幸＊小確幸

​

近來台式餐廳一間開業一間，總會時不時懷緬下做學生時日子，

[桂花小幸]文青cafe,年輕人與友好朋友閒聚均是一個不錯的選擇，

餐廳面積頗大可吸納多個座位供應，

晴天時陽光普照射入自然光線身處係裡面實在係滿載回憶時光，

加上有wifi供給而且主題牆以花磚牆及木製座位靠背椅坐下的確寫意，點可以錯過鎮店美食！

由炸物到麵食皆有，傳統當中滷肉、牛肉麵以牛為食材都是天天供應熱門之選，

食得盡興同時餐牌上熱食選擇非常豐富，光是炸物/小食拼盤己有十多款而且一點也不怕寡，

如胃口大想吃得飽肚點亦有飯類套餐供應，新鮮重量還重質，難怪吸引到一眾上班族及街坊來吃

因開業餐廳才慢慢上軌道佳因牛肉麵原汁原味口感滑溜煙靭，

為保原味堅持選用台灣貨，而且價格相宜不用加一！

我選了煲上三杯雞熱辣辣陣陣酒香釀入滲入雞件內，

味濃之餘而不覆蓋鮮味，滑嫩之餘外焦內鬆，滋味無窮別有一番風味

而現做8隻煎餃子份量卻有飽足感，因它內餡飽滿紮實，

讓煎餃煎到滋滋流油皮薄，一口吃掉才會感受到那份脆脆香口的口感美味

桂花小幸

地址: 慈雲山毓華街23號慈雲山中心1樓107號舖

—兔兔點評—滿樂潮州食潮菜

我個人一直都好鍾意食潮州嘢，因為潮州菜有個特色就係佢哋會將一啲好平民嘅食材用冷盤嘅方法化腐朽為神奇，就好似冷凍烏魚，仲有佢哋好好充分利用魚嘅鮮味用湯同丸子嘅方法去做出一流嘅菜式，不過住喺東涌潮州菜方面就真係好少選擇，朋友就話俾我聽東涌有一間幾好食嘅新派潮州菜館叫做「滿樂潮州」，咁就梗係要去試一試啦。

老實講裝修方面就的確係唔似係一間潮州菜館，不過空間就幾大冇舊式潮州菜館果種迫夾，四人套餐都好多嘢食，我就一樣樣分享下比大家。

打頭陣冷盤有「鹽焗黃油烏魚」，魚肉有一絲絲黃酒滲出，

條魚真係夠晒肥美，食落口唔腥更因為用左鹽烤令魚肉有淡淡既咸香，

點埋醬食你仲會更加食到魚獨有既鮮甜味。

之後就到「鹹菜胡椒豬肚湯」，呢樣真係潮州菜既經典，

胡椒味唔係好重反而甜味好足，一睇啲料就知點解啦落左好多瘦肉個湯一定清甜，豬肚彈牙新鮮滿分！

之後上左個兩個小食「皇子乳鴿凱撒沙律」同「黃金炸雙棗」，

嚴格來講乳鴿唔係潮州菜，食落口唔乾身，五香味重，

不過佢個食法就好特別用凱撒沙律中和乳鴿既熱氣感，

我個人覺得呢個配搭晒何車。至於炸雙棗表面炸得好鬆脆不過唔油膩，

有菜粒同蝦肉令到你食落去口感複雜，彈牙同軟身都可以同一口食物中感受到！

最後到主菜「手打魚蛋津菜煲」同「欖菜肉醉炒飯」，

佢個魚蛋一食就知係手打，鱔魚味一食就食得出仲要彈牙似乒乓波，

湯頭仲好鮮甜。欖菜肉醉炒飯非常夠鑊氣，飯粒食落口粒粒分明而且乾身，

包住蛋皮食仲有唔同既口感！

我個人就覺得呢間比較新派既潮州菜就非常之滿意，

雖然舖頭地址比較上遠，不過絕對值得大定一試！

滿樂潮州

地址 東涌達東路20號東薈城名店倉地下22號舖

—兔兔點評—​上水不妨一試竹島放題

​

​

今日同朋友來到上水逛街，晚上肚子餓，

走到上水新成路的一間門面裝修不起眼的竹島水產，

感覺名字很有趣，便走進了入去。

座位很鬆動，令人有舒服的感覺。

裝修還有一點日本的感覺，還會播放一些日韓流行歌曲，

埸內還有電視機，可以帶小朋友來食放題，都不會怕悶親他們！

在進食 途中，都不時會有一家大細的家庭來食放題。

我們坐下不久，店員已送上頭盤，包括生蠔，魚，鮑魚等，還送上火鍋的湯，準備享用。

在放題紙上，有很多不同的選擇，最特別的是，

這裏竟然有提供不同種類的貴價又特色的食物，

包括有西式類的（澳洲羊扒）（澳洲西冷扒）（香煎龍脷柳）（手打漢堡）（黃金汁焗蠔）（蒜香焗生蠔），串燒類(韓式炒蝦）炸物類（榴槤炸彈）（吉列廣島蠔）（鹽燒海蝦）火鍋湯底(地獄湯底)(龍蝦湯)刺身類(希靈魚)(榮螺），最後有自助甜品蛋糕外，還有Haagen-Dazs ice cream（每位一杯）可選擇。

最吸引我的是鹽燒海蝦，用了海鹽去燒，不會有其他的汁，香料等搶了海蝦的味道。

蒜香一口牛不得不試，用了爆多蒜香去炒，勁爆有蒜味，

牛肉不會炒得過時，太老，上枱時還有兩三成熟，很美味，真會令人食不停，無限仼叫仼食。

手打漢堡，大家聽得多，這間餐廳的漢堡都是仼叫仼食，

食了兩件都回本了，漢堡是師傅每日親手打，用了新鮮的牛肉，打得很鬆身，真是要讚一下👍🏻

食到一半，當然口渴，岀到自助區，原來有很多不同類型的飲品可選擇，

不喜歡飲甜飲料的朋友，可選擇仼食黑/白咖啡，

朱古力奶，清酒，泡沫咖啡，奶茶，摩卡。

可以和朋友在此大快朵頤，邊食邊飲邊聊天，

原來一直忽略了有噌味湯可飲，隔離的是腐竹糖水！

壽司方面，必定要試(火焰海膽醬玻璃蝦壽司)（火焰香蒜帶子壽司）壽司細細件，

不會令人很快就有飽肚的感覺，火焰的火候不會過分燒焦的感覺，師父控制得很好👍🏻

甜品方面有蛋糕，奶酪，雪糕，雪糕筒等，

蛋糕不會過甜，而且細細件很容易入口。

牛奶鮮奶酪都很重鮮奶味，十分喜歡，令人回味無窮，

喜歡食奶酪的朋友，一定要食食食，推介推介👍🏻

店員很親和友善，工作效率很高，食物很快送上，

不會少來食物，價錢都很平民，一定會介紹朋友光顧。

回頭率勁高👏🏻很適合家庭/朋友聚會，可以令人有放鬆的感覺！

仲有其他食物，去圖：

竹島水產 西日放題 

上水新成路105-107號地舖

—兔兔點評—用心製作的"​沁沁麵"

​

前幾天行街行得累了，想找個地方坐下與友人聊聊天吃點東西，

但街上又沒太多安靜不嘈雜的餐廳，走過這間看到環境尚不錯，便進去坐下。

店內人不多，環境特別乾淨，讓我對這間餐廳頓時心生好感，

而且老闆態度也很好，一進去就笑著招呼我們坐。

坐下來後看餐牌，作為選擇困難症重度患者，很多想吃的，又只有一個胃

。

所以遲遲不能下手選，最後還是朋友幫我選擇了大胃王秘製撈麵。

一上台的大胃王秘製撈麵，

裡面有特大冬菇（切成兩半）、雞翼、豬扒、雞肉腸、西蘭花、豆卜等食材，

配上用秘製醬汁撈勻的上海拉麵，一口下去，口齒留香，讓人想一試再試。

拉麵面質比較爽口，醬汁也很入味，而且這間的湯麵全部不落味精，

比起外面的餐廳，這間感覺上十分健康。

除了拉麵質素好之外，其他食材也口感不俗，

如我最喜歡的雞翼和雞肉腸，非常新鮮，

最主要的是醬汁配上食材，從簡單的搭配中可見老闆對顧客的用心。

價錢也親民適中，這樣的口味卻不是太貴，實屬難得。

值得一讃的是小食牛柏葉，非常爽口，

不會和其他餐廳一樣特別硬，而是軟軟地易入口，

這道小食也是餐廳的加分項之一。

總而言之，環境乾淨清雅，價格也親民，菜式更讓我吃出驚喜味道。

現在很少餐廳能夠秉持為了民眾健康而少油少鹽甚至不放味精，

所以此等良心小店，不妨一試。

沁沁麫

地址 西灣河西灣河街112號地下

沁沁麫

—兔兔點評—"和"​拉麵

​

又係我呢個拉麵狂喇。

今日響大埔墟閒逛時發現有條巷仔，

咁好奇心驅使下我就行左過去睇。

見到街尾有麵食，都幾多人食，緊係諗都唔諗就入去食啦。

忠於原味既我叫左個$75既豚骨原味拉麵。食落都幾好味。

湯我就揀左香滑，一開始都諗，香滑咪者係普通，

點知黎到飲落又真係香滑wo。

個叉燒都值得一讚，食落有燒過既味道，好香口。原來係師傅即燒，難怪咁好食！

另外有樣特別就係，等緊野食既時候，

店員細心遞左個話係師傅親自炒既辣芽菜，

都有試下，又幾惹味又開胃，伴拉麵都一流。

另外，大食既我仲叫左個餃子食。一碟4件食埋真係岩岩好夠飽。

總數食左$75+$28 剛好$100左右 都算抵食～

和拉麵

地址 大埔運頭街20-26號廣安大廈地下J號舖