一早Book左位黎呢個大本瀛同朋友慶祝生日，一上到黎餐廳外面人頭湧湧，
有好多人係到等位，裹面都見到滿晒位。
聽接待哥哥講原來今日有熟客bk左好多位，好彩一早打黎預約左，如果唔係有排無得食添！
等左十分鐘左右已經入得，店員哥哥態度十分好，仲不斷講話唔好意思要我地等。
呢到嘅餐牌選擇十分豐富，除左平日嘅日式料理，仲有泰國菜，
比其他放題店的食物種類更多。
一黎就嗌左我最鐘意食嘅刺身，三文魚、帶子都係厚切的，
三文魚脂肪紋理好靚，十分肥美，更有魚香；
連頭甜蝦和虎蝦肉質爽口彈牙，鮮味濃郁。
火炙壽司剛剛好燒起，仲係微暖的，加上甜甜地嘅沙律醬，細細件，放題最岩食。
個人特別推介豉椒炒蜆，味道同正宗大排檔嘅味道一樣，
十分有鑊氣，仲落左辣椒炒，好惹味，好想送碗白飯食！
而飛天通菜的賣相和味道都係同外面的泰國菜一樣，很正宗，通菜新鮮、爽脆！
另外，串燒都做得十分出色，翠肉瓜上台時仍然是熱辣辣的，
外面爽脆，裹面鎖住晒啲汁，一咬開仲係爆汁添，瓜好甜好好味！
燒菠蘿大大件，酸甜適中，令我胃口大開。
而煙肉焗帶子口感飽滿，帶子焗得剛剛好，肉質鮮美而唔韌。
天婦羅酥脆可口，炸粉唔會太厚，點埋醬汁好味道。
最後飲埋菊花綠茶解渴，而呢到仲有放題店少見嘅韓國蜜瓜雪條，出面7仔買一條都唔平架！
總括而言，性價比高！
大本瀛日式放題
旺角西洋菜街1號兆萬中心10樓
