—兔兔點評—日式料理 X 港式火鍋放題

時間尚早(晚上7點)，所以不用排隊就可以入座了! 餐廳非常之大,環境很日本風格,一入大門已經有一個巨型相樸手(屏風)招呼你.

位都未坐定定, 我同朋友就第一時間出去行番個圈,睇睇有乜好野食啦!

數十款飲品,重本之選果汁先生,康師傅,另有各種啤酒汽水, 食火鍋最熱氣，當然飲番枝啤酒下火就最適合啦！

各種麵食,蔬菜,菇類和丸類等是自助任選 (記住:食得先好拎,唔好浪費食物)

好! 拎齊食物,弊!!! 最重要的事忘記了! 叫湯底. 八鍋堂有個特別的湯底就是~~四格湯底, 究竟是甚麼名堂呢? 原來鍋分開四格,可以由我選四種湯底(+$68). 人蔘雞湯想食,豬骨湯又正,皮蛋芫茜又下火,加埋沙爹湯辣辣地就啱啱好.

既然火鍋湯底要等,就馬上點D熟食先啦. 燒雞翼,鹽燒大虎蝦,燒帶子,三文魚/甜蝦刺身,鰻魚壽司, 炸物就唔食太多啦,點一隻天婦羅蝦就夠.

三文魚刺身:色澤光亮, 魚肉入口肥美, 完全無根無渣, 不用費太多勁就把它吞下.魚味同樣芳香, 味道讓人難忘. 必食!!

甜蝦刺身: 細細隻的甜蝦是比大隻較正,較嫩的.鮮甜,蝦肉爽口.

作為一個鰻魚迷,給大家長一點知識:星鰻是海鰻,價格非常低;日本鰻/白鰻比較貴。星鰻食起來會散散的,身體比較沒有紋路. 而白鰻身體則會有直條紋,很好分辨.所以一般的餐廳到喜愛用星鰻,too sad>.< 而這裡的鰻魚竟然用貴價的鰻魚^^

火炙蒲燒鰻魚壽司:用火槍輕燒過,所以特別香口,魚肉好軟身,亦無軟骨,燒汁味夠濃,調較得恰到好處,不會蓋過鰻魚鮮味.正!

汁燒帶子貝:好難掌握火爐的.烤太久會太硬會咬唔開的,這個烤得剛剛好,外脆內層仍然保留帶子的鮮甜,想知道帶子新唔新鮮呢,好簡單,咬開後,見到一條條絲就啱架啦.

鹽燒大虎蝦:雖然不是很大隻,但肉質鮮嫩彈牙,而且非常鮮甜.

蒜香雞中翼: 水準之作,撕開脆卜卜的外皮,肉汁如泉水般噴出來,如果烤耐D收一收汁,會更啱我心意.

唯一的炸物天婦羅蝦: 本人對炸物一般,但蝦是即點即炸的,而且好新鮮.

我同朋友食了20分鐘全場已經爆棚.好在我們早點入場^^

食完熟食隨即送上四格鍋湯底,最期待的人蔘雞湯,細細格鍋足料有6件雞件及數根人蔘,味道濃烈,還沒落配料,經已飲了半碗湯;皮蛋芫茜整隻皮蛋足料熬得很香,絕不馬虎;而豬骨湯將大量豬肉,香菇燘煮4至5個鐘的湯底,肉香之餘帶有一絲菇香;沙爹湯濃味不用再蘸醬油,配牛肉片食最為出色.

美國黑豚片:肉質新鮮呈現鮮紅色,肉質唔錯,而且超級薄,數十秒食得.質感不會太膩,完全無渣,食到與別不同的濃香,頂級之作

生蠔:色澤睇上去超新鮮,而且多肉肥厚,中等SIZE,食落有淡淡既海水味,口感細滑.

火鍋湯底已經滿滿豬,牛,海鮮味,當然配上炸響鈴卷就最合適啦! 響鈴卷很香黃豆味加上熱騰騰的湯,一個字:正!!

最特別是這粒樣子長得像布袋一樣的東西,還有可愛的花朵在底部,究竟是甚麼來的呢? 原來是布袋包心丸, 新奇有趣,不錯.

甜品不得不試

朱古力泡芙:朱古力味比較罕有,濃濃朱古力味

奶油泡芙:正,不太甜

糯米糍: 外皮軟綿綿又帶點煙韌,裡面很有驚喜,是乳酪來的,做得唔錯.

已經食到好飽了,很多甜品也吃不完 >.< 

總括來說二百零蚊可以食得夠豪,真是十分抵的.

八鍋堂．中日火鍋專門店 

地址 旺角西洋菜街1號兆萬中心3樓301號舖