難得約齊閏蜜食飯，梗係要去食好西。
荃灣岀名多野食，我地就黎咗荃灣試下哩間拉麵。
一入門口，見佢裝修得幾骨致，牆上嘅掛畫有日本風。
伺應亦都好有禮貌，帶位，斟水，俾menu都做齊。
我唔好睇我地四個女仔細細粒，但胃口都唔細！
我地一人一碗麵，再加四款小食，同埋嗌咗一罐蜜桃果酒。
我地叫咗兩碗黑豹墨汁拉麵，一碗名屋豚肉拉麵同埋碧綠翡翠拉麵。
先講下黑豹，我同朋友都食得lam lam 脷喇！
我好中意食墨汁，幾香濃，而且啲海鮮都多料，有青口有魷魚等等，係幾抵食！
而豚肉拉麵都好正，豚肉嫩口唔會起渣，肥瘦適中！
而翡翠拉麵青bb，好新奇，食落好香波菜味，
食肉得黎有清新嘅感覺，啱曬怕肥嘅女仔，無咁大罪惡感！
至於小食我個人推薦牛舌！好爽口而且夠曬熱辣辣，口感滿分！
叫咁多野食都唔係好貴咋！抵食之選！下次飯聚首選！
地址 荃灣河背街74號地舖
沒有留言:
張貼留言