個人就非常期待，呢間餐廳係按人頭set好咗唔同嘅餐大約五至六百元，仲好似有啲係再貴少少，當然都會再豐富啲啦
我地揀咗呢個餐包括以下食物
三色西蘭花配沙巴龍躉
三色西蘭花啲量不算好多，但幾特別。餐廳應該把龍躉先行處理過，有少少咸味，帶出咗魚的鮮味。
芥蒜心夾帶子配芥蘭苗
呢個帶子都幾好味，要做到新鮮一啲都唔難，但我欣賞的地方係餐廳處理得幾乾淨，連啲群邊都勁乾淨，抵讚！
莧菜配蜆
當中有兩款蜆，兩款的蜆都幾鮮甜，蒸鍋必食！係快靚正之選擇。
大啡菇黑豚肉拼南非鮑魚
大啡菇蒸完之後有勁多汁，每咬一啖都有汁漏出黎！ 滿足感大大提升，食到香濃的菇味。
南非龍蝦
呢個龍蝦係我全晚最鐘意的一道菜，肉質結實，仲要有蝦膏。
本地雞
唔知係咪本地農場雞都係雞味濃郁啲，而家肉質唔會太淋，百分百新鮮雞！ 正呀
杞子穀物粥拼乳鴒底
壓軸黎喇，頭先咁多道菜的精華都流到落粥底，而且一開始仲加咗乳鴒，極鮮甜，唔似外面一般用排骨去煮個粥！
每道菜都有店員親自幫你上菜，介紹同蒸煮食材，唔駛自己諗要蒸幾耐。
呢度地方唔太，只有兩張枱實為小店，如果想黎食就記得要bk位！ 又或者夠人數搞個私人party都唔錯！
