—兔兔點評—民華冰室茶餐廳

今日經過西環去左間好正既茶餐廳，由於天氣忽然凍左好多，

於是揀左個咖哩牛肋腩暖下肚，牛腩同牛筋比例恰到好處，

配上薯仔、青椒、洋蔥，無論主菜同配菜都燘得好林好入味，

香辣咖哩初初入口會覺得辣，但好快辣度散去，變得非常惹味又暖身，

再將荷包蛋浸落咖哩汁度餸飯，食到全身熱騰騰, 

之後再飲番杯冰凍嘅鹹檸七, 簡直味覺大刺激，好過癮! 

豉汁鳳爪和醬汁金錢肚一樣都好有水準, 鳳爪下面有腐竹，金錢肚配上白蘿白。

最吸引我的要說方魚肉碎粥, 方魚其實就是大地魚，

那種鹹香有一種獨特的風味，除咗咬起來有口感之外，

將整碗粥同埋肉碎嘅香味融合在一起，令人回味無窮。

媽咪喉嚨痛叫左杯熱檸樂煲薑，話好夠薑味, 也不是隨處可找到的。

總體樣樣都好, 食物好味又坐得舒服，堅尼地城B出口行兩分鐘便到，

媽咪話下次要做領隊, 帶埋班老友記一齊來開餐, 

食飽飽後再去海洋公園一日遊。

​
民華餐廳
西環堅尼地城卑路乍街68號Imperial Kennedy地下9號舖

—兔兔點評—潮丸好多野食

筲箕灣呢條食街乜野菜式都有，今次就比潮丸個門口吸引左！門面好光猛，同其他車仔麵唔同，感覺行中高上路線！

一打開個餐牌，原來都幾多選擇，我就叫左個牛三鮮飯（$60） 友人就叫左個滷水豬手河粉（$55） 另外叫左2個小食，炸鯪魚球（$28）同炸雞翼（$28）。

店員好好服務，會介紹下有咩菜式必食，又會好貼心問洗唔洗走蔥！食物好快就送到上黎，牛三鮮飯分別有牛坑腩，牛肚，牛筋同蘿白。對女仔黎講份量抹中算好大，因為白飯份量都幾多！牛坑腩都幾入味而且冇渣，牛肚牛筋都幾有水準，蘿白就最有驚喜因爲好甜😋隨飯有附送埋個滷水汁，不過d餸都好入味唔需要再另加！

而豬手河方面，有3大件豬手份量十足！湯底都幾清唔會太油膩， 豬手啖啖肉唔會太多肥膏，不過可能會食得有d狼狽😂，要小心比d汁濺到衣物！

最有驚喜一定係個炸鯪魚球，好正宗既潮州味，連個汁都好講究，唔係一般魚露！而魚肉方面好彈牙而且唔會腥，配合埋個汁可以帶出鮮味，我同友人都食到停唔到口😋😋😋。

另外發現佢d醬料入面有隻黃色辣椒，食得辣既朋友可以試下！一小啖已經好辣但又好惹味！我加左小小落隻雞翼到！

味道出奇地好夾😆，本身雞翼都炸得唔錯，唔會好油又唔會炸到好硬，而且好入味，有d似泰式炸雞翼！配埋個黃辣椒我同友人都食到lam lam脷！

下次經開呢d大家不妨可以試試！

潮丸 

筲箕灣筲箕灣東大街59-99號東威大廈地下11號舖

—兔兔點評—家庭聚會到會系列

今日家庭聚會，全部成員到達大哥家裏一齊到會，大嫂揀選了多款食物給我們享用。一整盤BBQ蜜糖雞翼加豬仔骨，燒得濃香撲鼻，雞翼外面焦糖微微焦香，包裹著嫩滑雞翼，肉汁豐富，肉質幼嫩，豬仔骨同樣燒得出色，蜜甜嘅外層，柔軟肉質香噴噴，甘香可口，優質食材 出嚟效果與別不同。

一款他他醬蛋沙律迷你牛角包，非常巧手，大廚調教嘅他他醬與別不同，牛角包鬆軟夠香口，整體非常匹配。

另一個爆汁巴馬臣芝士炸蘑菇，又係大廚嘅另一傑作，外型已經好討好，圓碌碌，賣相靚靚，當你輕輕咬開時，內裏的汁液真像是爆出來似的，食得真係好開心。

到會熱點

網址: https://s.openrice.com/QrbS0jsS800

地址: 觀塘鴻圖道34號致樂工業大廈8樓C室

—兔兔點評—百味川酸菜魚米線｜樽仔奶茶

今日黎到葵涌廣場，呢到多平野食，人人都知架啦，但吾講吾知，呢到有間米線🍜好食之餘，仲要好正宗。

琴日試完呢間百味川，地方不算太大，座位都好多，侍應姐姐呢都好有禮貌，咁佢推介左我喺度食個酸菜魚米線，同飲呢度嘅奶茶，加咗個口水雞翼添。

😏  酸菜魚米線  我有少少意料之外呢，啲料十足，佢會放好多酸菜同青辣椒，酸味勁，辣到十足，平時我都鍾意食辣嘅，碗湯十分野味，有一點呢我幾喜歡，我係一啲好怕有骨嘅人，咁啱呢度嘅酸菜魚係冇骨，啱晒我呢啲怕魚骨又想食魚嘅人。而個米線🍜熱騰騰，加埋個湯一個放落個口，認真一流。

😆  凍奶茶方面，糖同個茶比例啱啱好，唔會做到太甜，呢度奶茶係一支支，如果飲唔晒呢可以拎走，一邊行一邊飲。😁

口水雞翼  口水雞食得多，呢到會將一隻雞翼一分為二方便客人進食，幾細心，數量都幾多下，平時大食嘅我差啲都食吾曬😂😂

百味川

地址: 葵芳葵富路7號葵涌廣場地下A39號舖

—兔兔點評—平民台灣菜

已經好耐冇去將軍澳啦，小編幾buy台式料理架，

呢間桂花小幸又平又多選擇又好味

打開餐牌 好多野都好吸引 選擇亦非常多 麵類 飯類 小食 飲品 應有盡有 

真係好難選擇啊 因為本身唔係太餓 所以最後我地選擇左以下食品

煲仔。三杯雞

勁好味！隻味好特别，啲雞非常之嫩滑，好入味❤必點！

秘製麻辣豬耳仔

最好味係呢個！麻得好正，豬耳好爽脆，切既厚度啱好，份量都啱啱好～

地方很OK，交通十分方便，價錢十分平民，餸菜新鮮。值得推介

桂花小幸

網址: https://s.openrice.com/QrbS0M5u800

地址: 將軍澳唐德街1號將軍澳廣場1樓133-135號舖

​

—兔兔點評—有FEEL的西餐廳

今日和朋友來到這間係元朗嘅地下店食野，

這裡的食物質素非常不錯，環境乾淨整齊，整體裝修很不錯，

通道很寬闊，不論是情侶還是朋友聚會都非常推薦！

店員的態度都很好而且細心，會自動幫我們加水換碟，

而且我和朋友用餐完後聊天了一會，他們都沒有催促我們的意思，整個用餐都很舒服。

menu

我們點了店裏的二人套餐，一開始的餐包很鬆軟配合醬料，

味道挺好食的，而餐湯南瓜湯，口感順滑且濃郁！

我們前菜點了羅勒白酒忌廉煮青口，本來擔心忌廉煮青口會和餐湯的濃郁口感撞了，

但可能白酒的關係，想不到青口的醬汁比想像中輕盈。

我們還點了蟹肉冬陰公意大利飯，味道都相當好，不很辣，

反而反而食到一點甜酸味，因為加了一點蟹子，減輕了意大利飯的濃稠口感。

最後主菜點了蜜糖焗德國豬手配燒鮮菠蘿片，豬手肉質本身帶鹹，

但與表皮的蜜糖甜味互相中和了，而且菠蘿片酸酸甜甜，減輕了豬手的膩，

豬手肉質本身好嫩，所以很容易咀嚼，很推薦喜歡濃郁口味的人。

最後，二人餐分量亦是很足夠的，飲品方面，我們點了普通凍檸茶，

感覺沒有平常喝的檸檬茶的死甜，有點似錫蘭味。

整體而言，這間餐廳是值得推薦的。

Darci by Aldou 

元朗鳳攸南街9號好順利大廈地下60號

—兔兔點評—菠蘿重點的菠蘿冰室

收工諗住是但食間野 ，就食左衣間。

首先 ，個環境好 colourful 有小小少女 feel ，因為有好多菠蘿。就下角度都可以影靚相既 。

其次 ，我自己食左個鐵板霸王西冷同粟米忌廉湯同北海道3.6牛奶雪糕X忌廉。

我朋友食左瑶柱蟹肉扒时疏同日本冲绳海鹽雪糕白牛 。

個牛雖然有小小筋，但厚度同淋滑道不错既 。

但忌廉湯唔係只係得 D 湯 ，係有唔小料既（火腿和粟米）。

个 3.6 饮品點講呢....um...如果忌廉转豆浆我諗會唔錯 D 。

最后 ，個菜果度 。食菜當然想健康啦...但又好怕又油又咸。

但衣間又冇衣 D 問題喎 。D 菜爽既新鲜既 。

个海鹽飲品唔差既 ，但又唔係好好咁 。叫做不過不失。

總括而言 ，都中等既 。因為個价錢唔貴 ，所以一分錢一分貨黎講係唔錯咖喇 。

​菠蘿冰室 

西灣河筲箕灣道27號興祥大樓地下G號舖