—兔兔點評—推介旺角區：旺囍車仔麵

得閒在旺角朗豪坊遊蕩，總會找到輪近香港特色小店，

揾間又要乾淨又要平靚正、又要門面裝修企理，

見附近街口店員派的單張，不妨就一試吸引了我😊

 

小店装修以一架大型手推車，同以往D老店迫迫窄窄有所不同，

小店面積不大，餐牌自己圈畫，特大彩色落單食物牌，

可重用抹走再循環再用非常環保不會浪費🖒

 

而且以半開放式簡约廚房，

內外都可觀察到他們如何運作可放心食用，

而他們自家調製辣味有4種，辣度由微辣至大辣 ;

湯底可以以自己心水同心情有幾辣就食幾辣也得，

不妨再配合埋牛腩汁真系惹味一流，

正所謂人生懂得mix and match才是有霸氣才是皇道。

港式經典小店美食非常貼心

 

😘碗麵黎臨都幾大碗，

餸既價錢由$9蚊$10蚊$12蚊不等！

想食平又要滿足自己又要有飽肚感而又想提高生活水平，而又想靈活有變化……

[旺囍車仔麵]十幾廿款餸隨意挑選，

絕對系地道之中地道，食車仔麵勾起童年回憶，

2017年值得推介，店員服務態度幾好落單快手，

雖然舖頭位置唔太顯眼，用心享受下次會再來幫襯

 

 ​

本人推介: 1)辣汁魷魚類 2)牛孖筋骨 3)和味豬大腸 *必叫* 4)魚皮餃 5)魚肉春卷 6)牛肚

 聽到餸名都流曬口水，魷魚爽口煮得入味，

大胃口D再追加埋[秘製雞中翼]小食，

欣賞距滷水鼓油汁出神入化、雞肉嫩、多肉汁、沒有雪味、唔會太咸！！

 

 

 

旺囍車仔麵 
地址: 旺角豉油街11-17號萬利商業大廈地下4-5號舖

—兔兔點評—馬灣靚景餐廳@味道農家雞煲王海鮮小炒

同朋友喺馬灣個沙灘玩左成日，晚餐我哋揀咗喺隔離既呢間雞煲王海鮮小炒，舖面好闊落好多張大枱，玻璃窗望岀去就係青馬大橋，可以邊欣賞夜景邊食飯望下個餐牌入面都有好多個選擇.

 
除咗佢哋嘅招牌雞煲同打邊爐嘅材料之外，仲有好多唔同嘅餸可以逐個嗌，基本上你岀面食到嘅餸佢呢度都有，下次如果一大班fd尼到尼間都係幾好既選擇呢次我地兩個人就叫咗半隻雞煲同幾個小菜，有我去到邊間都必嗌既椒鹽九肚魚首先嚟到嘅係椒鹽九肚魚，每一條都有返咁上下大舊，粉冇話落得好多，鹹味適中，可以一試，而個份量尼講三個人食都應該冇問題

到咗主角雞煲，以半隻雞嘅份量來講算係非常足料，雞件都冇話好多骨，個人覺得小辣啱啱好唔會話啲辣味襟左雞既鮮味，連煲入邊嘅配料例如蒜頭嗰啲呀都嗦哂d雞汁非常惹味，撈飯食一流唯一不足嘅地方就係個雞嘅皮有少少"un"，但份量同名味道整體嚟講都唔錯，果然係佢嘅招牌

到最尾仲送一人一碗熱嘅椰汁西米露，入邊嘅西米都好足料堆到上碗面，好滿足呀

味道農家雞煲王海鮮小炒
地址:馬灣珀麗灣沙灘商場2樓1號舖