行完街搵地方食晚餐，突然想食炸雞，又見學生九折，就坐底咗。
未點野食之前，侍應就好快手咁送兩碟前菜上枱。嗰韓國泡菜幾好味，啱香港人口味，食完幾開胃。
點咗份黃金橄欖炸雞3件
第一次食，幾有驚喜，岩岩炸出爐 一咬落去啲油流哂出黎，啲雞肉係熱到出煙，出面既皮炸得香脆，有啲蜜糖味。
之後又點咗份孖寶對對碰
韓式醬牛拉麵 十 芝士撈拉麵
醬牛拉麵啲牛肉特別多，入面有埋韓式醬，落咗洋蔥，都幾惹味下，亦都唔辣。
芝士撈拉麵上面落埋煙肉，芝士粒 同埋紫菜，幾重芝士味，幾唔錯。
另外，炸雞仲點咗份雙拼（韓式香蒜炸雞+甜辣炸雞）
香蒜炸雞上面落咗香蒜，而本身既醬汁酸酸甜甜，配搭埋都幾入口，幾好食。
因為有啲fd唔係好食得辣，就點甜辣炸雞，辣度就無想像中咁辣，基本上係人都接受到咁上下，但甜味加辣味，都幾襯。
食得多呢啲，就點咗一酌柚子汁，想解下渴，結果成大支上枱。味道酸酸甜甜，柚子味，都幾唔錯，但感覺轉飲淡啲既會更好，因為啲野食味道都偏濃。
食到最後，梗係要嚐埋甜品，點咗份紫薯雪山。上面係雪糕，下面就係紫薯味既沙冰，再插埋支韓國旗。味道幾重紫薯味，勁快清哂。
Btw 炸雞最推介黃金橄欖炸雞，味道最讚。
BBQ Chicken
